მარიამ (მერი) დავითაშვილი

დაბადების ადგილი: სოფელი მელაანი, გურჯაანის რაიონი. დაამთავრა ქალთა მე-12 ტექნიკუმი; აკაკი ფაღავას დრამატული სტუდია 1926 წელს. 1921 წლიდან მონაწილეობდა სცენისმოყვარეთა წარმოდგენებში, ხაშურში დ. ძნელაძის ხელმძღვანელობით არსებულ დრამატულ წრეში. მან შეასრულა თელის როლი უ. ჰაჯიბეკოვის მუსიკალურ კომედიაში "არშინ მალ ალან"; მცირე ხნით მუშაობდა თბილისის შოთა რუსთაველის სახელმწიფო თეატრში; 1927 წლიდან თბილისის მუშათა თეატრში, სადაც დიდი წარმატება ხვდა თეატრის სცენაზე განხორციელებულ სპექტაკლებში; 1928 წლიდან გარდაცვალებამდე მოღვაწეობდა კ. მარჯანიშვილის სახელობის თეატრში; შექმნა ისეთი დაუვიწყარი სახეები, როგორიცაა: ხორეშანი (ი. ჭავჭავაძის "კაცია ადამიანი?!"), ანა პავლოვნა (ა. სამსონიას "ბაგრატიონი"), პეპელა (გ. მდივნის "ვარდო"), ქარმინია (შექსპირის "ანტონიოს და კლეოპატრა"), ნიმფა (მ. ბარათაშვილის "ჩემი ყვავილეთი"), ძიძა (ნაზიმ ჰიქმეთის "ლეგენდა სიყვარულზე"), დედა (ლ. ლეონოვის "შემოსევა "), ანეტა (ა. აღლაძის "მღელვარე დღეები"), ჯავარა (ვაჟა–ფშაველას "მოკვეთილი") და სხვა; კინოში შესრულებული აქვს შემდეგი როლები: თიმსალ-მაკო ("ბაში-აჩუკი", 1956), მარო ("ნინო", 1959), თებრო ("თეთრი ქალიშვილი"), ქაბატო( "ქეთო და კოტე", 1948), არჩილის გამზრდელი ("ოთარაანთ ქვრივი", 1957) და სხვა. თეატრისა და კინოს მსახიობი.